平時買dom都係是但買？

筆者從事性用品行業其中一個被客人問得最多既問題就係「有咩dom好用？」
其實呢個問題非常之難答，因為我覺得好用又唔代表你都覺得好用。試過介紹一隻本以為好好既產品比顧客，換來對方一句「麻麻地」，感覺真係好差。苦思一輪，與其推薦某隻產品比你，不如教你簡仲好，始終最了解你身體既人一定係你自己。

市面上大大話話有一萬幾千種安全套，有時都唔知點入手，為左縮細討論範圍，今次只討論歐美、日本產品，因為香港人一般好少會用大陸同其他地區出產既品牌。筆者訪問過身邊大部分男性，對於點樣簡安全套，佢地既答案普遍都係「是旦去最近既便利店買一盒」、「簡最出名果隻囉」、「見無人排隊拿拿林拎一盒就算」。歸立上述答案，我認為香港男仔始終係呢方面係比較怕醜，畢竟唔係人人都接受到眾目暌暌之下拎住幾盒condom係度比較。所以個人係非常推介大家上網買，除左可以慢慢睇，款式仲通常都比較多。再者，一旦你搵到一隻適合自己既安全套，你以後就一勞永安逸，所以呢d功夫唔慳得。

言歸正傳，要簡出適合自己既安全套，大家可以依循以下幾方面去做。

一）呎吋
呢點有幾重要相信都唔需要我多解釋，用左呎吋唔適合既安全套，小則影響性愛體驗，大則會引起安全套破裂或者鬆脫，除左令你有機會患上性病之外，明年今日閣下仲可能已為人父母。一般售賣安全套既網店都會標示出該產品既呎吋規格，大家就千祈唔好懶，要望多兩眼，就住自己size去挑選。一般我地都係以陰莖底部直徑去衡量，（約為陰莖底部圓周除2）
不過一般而言，除非閣下係天賦異稟，否則一般日本品牌安全套既呎吋都會適合亞洲男士使用。另外比個小tips大家，其實安全套既物料亦都係左右你選擇安全套呎吋既一大因素，聚氨酯（Polyurethane，即 PU）製成既安全套彈性較低，所以應該要簡fit size既產品，而乳膠（Latex）安全套相對有彈性，建議各位可以簡返比自己陰莖略小既產品，以免做愛過程中鬆脫。(參考)

二）功能

安全套功能就係預防性病同避孕，無左呢2個功能就唔係安全套，而呢度所指既功能當然唔係咁簡單，講緊既其實係你希望呢個產品可以為你同你伴侶帶來點樣既體驗。

厚薄：大部份男人都中意零阻隔，所以市面上好多大品牌都會推出0.01mm、0.02mm、0.03mm呢d標榜超薄既產品，但留意返，由於製作成本關係，此類產品價錢一般都較高，值唔值得？見人見智啦。
有薄自然有厚，人類為左延長性愛時間，設計左好多唔同類型產品，加厚既安全套當然唔少得，原理就係以較厚物質去降低男士陰莖刺激感，從而推遲射精時間；市面上有0.09mm、0.12mm等產品。(參考)

 

冷熱感：透過唔同潤滑劑，為你同你伴侶帶來冰冷或者溫暖感覺，點決定？自己喜好啦。

香味：據筆者觀察似乎係比較少人在意既一項，可能係由於負責買condom既多數係男士，而男人一般對氣味係無咁敏感。不過，間唔中試下唔同氣味安全套，除左可以增加新鮮感，仲可以透過對方中意既味道取悅對方，千萬唔好睇小女人個鼻！市面上既安全套已經推出左好多唔同氣味，除左一般既士多啤梨蘋果橙呢d生果之外，甚至仲有波子汽水、奶茶等等。。。只有你想不到，沒有他們做不到。

紋路：為數不少既安全套廠商都會推出有凸點 / 橫紋 / 螺紋等等既安全套，目的只有一個 － 增加磨擦感，等女士感覺強d，一般安全套包裝盒背都會標示出該產品紋路。(參考)

除左以上所講比較大路既因素，部分歐美品牌仲為唔同生活風格用家推出左唔同理念既產品，例如以下呢款為素食者而設既vegan Condoms。

 

三）物料

市面上安全套一般以乳膠（Latex）、聚氨酯
（PU）或聚異戊二烯（Polyisoprene，簡稱PI）物料製造，可以參考包裝或向店員查詢。 

乳膠（Latex） 特點是高彈性和高抗拉強度。不過乳膠是油性，如要配搭潤滑劑一齊用，應選擇水性潤滑劑，否則當接觸到其他油性產品，有機會會破壞乳膠本身的結構，令佢失去彈性，容易造成破裂。
PU是合成聚合物，沒有乳膠的彈性，但係可以同油性潤滑劑一同使用。
PI就同乳膠近似，同樣唔可以同油性潤滑劑一齊用。不同之處係佢不含天然乳膠中的致敏原，如蛋白質。所以對乳膠過敏既朋友仔就可以考慮下，千祈唔好睇小乳膠過敏，過敏者皮膚局部發紅、腫、痕癢、乾，甚至出水疱；嚴重敏感反應則可致全身出紅疹，嚴重更會出現氣喘、休克。

安全套放題

睇完上邊既講解，相信大家都對選擇安全套有返多少少概念，不過，要搵出最適合自己既安全套，除左了解，仲需要嘗試，因為每款安全套除左呎吋
、功能同物料唔同之外，仲有好多不同既小細節，與其紙上談兵，不如多作嘗試。

不過如果你唔想買一盒返去試完唔中意又蹝左？不如試下逐個買啦！市面上已經有網店可以比你選擇一片一片咁買架啦，安全套拼盤，每款買一片，你都咪話唔過癮！
Link：https://www.fungarden.com.hk/categories/condoms?sort_by=lowest_price&order_by=asc